Ein echtes Wienerlied

zruck  Roland Neuwirth

Er hat an Abgang gmacht,
Er hat die Patschn gstreckt,
Er hat a Bankl grissn,
er hat se niedaglegt,
Er hat se d' Erdäpfel von unt angschaut,
Er hat se sozusagn ins Holzpyjama ghaut.

Er hat die Bock aufgstellt,
Er hat an Wuaf angsagt,
Er hat se d' Schleifn gebn,
Er hat die Stufn packt,
Er is umegstandn,
Er hats umebogn
Er is als arme Sööö zum Petrus aufe gflogn.

Er hat se abelassn, wia des so schee haßt,
Er ist nachschaun gangen, ob der Deckl paßt,
Zerst hams eam außetragn mit de Fiaß voran,
Jetzt lacht er si statt d' Madln drunt die Wirma an.

Oba Leitln nehmts es net so schwer,
Glaubts ma, gwachsn war er nimmermehr.
Weu ans is kloar, des is ka Schmäh:
s´woa besser so! Hearts glaubts mas eh.
Denn jetzt tuat eam, bei meiner Sööö,
Ka Bah mehr weh.