No Amoi
Mundart Gedicht von Karl Kaller
An an Samstag kurz vuam Kriag
39 wars, das i ned liag.
Do sogd mei Voda, hurch genau,
mir hoin murgn Wein aus da Wachau.
Beim Scheuch Wirt is da Kölla leer,
für´d Gäst hod ea kann Tropfen mehr.
Am nächst´n Tog in olla Frua´
auf Weißenkirch´n foahn ma zua.
Durt wer´n de Fassl´n, die ma braucht,
mit an guad´n Tropf´n voll gemacht.
Dann no ess´n und an guad´n Schluck,
und noch Wean geht´s wieda z´ruck.
In Dürnstein no a klana Halt,
wäu uns die Aussicht gar so g´fallt.
I sog noch kurzer Dauer,
setzt euch bitte dort auf´d Mauer.
Ruhigbleiben, a bisserl lach´n,
i werd jetzt no a Foto moch´n.
Des Büdl is wos wuan,
da Voda oba is längst g´sturb´n.
Und jetzt, wann i in Dürnstein bin,
an Wunsch hätt i im Sinn.
No amoi zum Voda sog´n,
kön´ma ruhig bleib´n und loch´n
und wiederum a Büdl moch´n.